Ngajul nanyangayek itodiunito eger loeyakar Akuj na asegan ,nakajik ta na emunoi.eyei ngesi kidiama napir ni emam apipilu ,emam akiyalolong mam ngakiningeto ta ejie. Emam ibore kitongoi ngoni kaina.kisubuni Akuj ngoni ,kimina ngoni. Esaki ngesi atomino ka ngesi nadis.
E Ya ngichan ,nikiboi ngoni aloger alo esaki Akuj ngoni eboyoto. Nikirichunit ngoni ngitalio a Akuj nabo nikimina ngoni ngesi. Tooma ngitai yok kirubakinit ngoni kitami naaronok ta akisub ngakiro naaronok.Etau lokirion kisitamunit ngoni akisech yok, kitiaka ngoni ngasechesea yok ka Akuj. Erot a akisech erai eriras ka akitu ta atiaka ani a Akuj. Emam ngoni akigieno eyei.
E Tau lo arengan ,itodiunit akigieno na itorunit tooma amina a Akuj aniyok. Ameuni Akuj lokookeng Yesu kristo nakwapin ,Yesu lo amam akisech ,totoan anapir kiwok akisech yok,tolema eriras lokajiik lo etemokino kirirao ngoni. Etau lo arengan itodiunit ngakot a Yesu na kolong abukorisi kotere ngoni.
Etau lo akwaan itodiunit asegis. Ngasechesea yok arimakin kotere atoani yesu anapir kotere ngoni.Kilung iyong ngasechesea kon kiwaak akiyar kon ni a Akuj ,kirimakini ngesi ngoni. Kirauni ngoni ngitunga luasegak alongaren Akuj loger a etau aloakwaan.
A apak na idiaria iyong Yesu kristo ,ikokini iyong ikoku ni idounitoe nikitetet ni erupi niasegan esaki apoloun. Etau loaliban itodiunit eger apoloun. Kotere ajakanut a Akuj ipolouni iyong alotooma anupit ani kisoma iyong abibilia ta akilip Akuj ta akimorikin ka ngikiristoi luche. Iboikin iyong tooma alakara ta ajakaanut a Akuj AMEN.